SQO-da komıssııa jasóspirimnen múgedekti zańsyz alyp tastaǵan
PETROPAVL. KAZINFORM – Soltústik Qazaqstan oblysynda sot múmkindigi shekteýli jasóspirimniń quqyǵyn qorǵap, medıtsınalyq-áleýmettik saraptama komıssııasynyń sheshimin zańsyz dep tanydy.
SQO sotynyń málimetinshe, ádildik izdep sotqa balanyń anasy júgingen. Áıel balasynyń erte jastan beri sozylmaly dert – ıývenıldi ıdıopatııalyq artrıtpen aýyratynyn aıtqan. Bul dertte ádette býyndar aýyrady, qımyl-qozǵalys shektelip, aıaq-qol deformatsııaǵa ushyraýy múmkin. Osyǵan baılanysty bala turaqty túrde medıtsınalyq baqylaýda bolyp, uzaq ýaqyt em qabyldaǵan. Sonymen qatar oǵan tize býyndaryna ota jasalyp, úıde oqytý taǵaıyndalǵan.
Alaıda ótken jyldyń qazan aıynda qaıta kýálandyrýdan ótý kezinde óńirlik saraptamalyq komıssııa balanyń múgedektigin rastaýdan bas tartqan. Komıssııa óz sheshimin aǵza fýnktsııalarynda turaqty buzylystardyń joqtyǵymen túsindirgen.
Іsti qaraý barysynda sot saraptama júrgizý kezinde birqatar protsessýaldyq zańbuzýshylyq bolǵanyn anyqtady. Máselen, tekserýge mindetti mamandar – revmatolog, travmatolog jáne ortoped qatystyrylmaǵan. ıAǵnı, komıssııa sheshimdi tıisti beıindi sarapshylarsyz qabyldaǵan.
Birinshi satydaǵy sot komıssııanyń sheshimin zańsyz dep tanyp, onyń kúshin joıdy. SQO soty ákimshilik ister jónindegi sot alqasy bul qorytyndymen kelisip, rásimniń saqtalmaýy sheshimniń zańdylyǵyna eleýli áser etkenin atap ótti.
Sot qaýlysy zańdy kúshine endi.
Buǵan deıin ShQO ákiminiń birinshi orynbasary Jaqsylyq Omardyń 6 jylǵa sottalǵanyn jazǵan edik.
