SQO-da kómir tapshylyǵynyń sheshimi tabyldy
PETROPAVL. QazAqparat - Aıazdy kúnderde Soltústik Qazaqstan oblysynda kómirge suranys kúrt artty, dep habarlaıdy «QazAqparat» HAA tilshisi.
Jergilikti bılik kómir jurttyń bárine jetetinin, tapshylyq ádeıi qoldan jasalyp otyrǵanyn aıtady. Shubarkól kómiriniń azdaǵan tapshylyǵy, shynynda bolǵan. Bul másele oń sheshimin taýyp úlgerdi.
TKSh jáne energetıka basqarmasy baspasóz qyzmetindegiler temirjoldarda barlyq markalardyń 28 myń tonna kómiri, sonyń ishinde Shubarkól markaly myń tonna kómir bar ekenin alǵa tartyp otyr.
«Naryqty kómirmen qamtamasyz etý boıynsha jetkizip berýshilermen jumys istedik. Bul qatty otynnyń qajetti qoryn jınaýǵa múmkindik berdi. Qazir kómir tapshylyǵy joq», - deıdi baspasóz qyzmetindegiler.
Basqarma bergen málimetterge qaraǵanda, SQO turǵyndaryna jylý maýsymynda 410,8 myń tonna kómir qajet. Sonyń 409 myń tonnasyn óńir turǵyndary alyp úlgergen.
