SQO-da kolledj stýdentterine 200 myń teńgege deıin eńbekaqy tólenedi

SQO Kásipkerler palatasynyń málimetinshe, búginde óńirde 274 kásiporyn men 18 kolledjdiń arasynda 1,4 myńǵa jýyq úshjaqty shart jasalǵan. ıAǵnı, kolledj, stýdent jáne jumys berýshi ózara mindetteme alady. 

Óńirde dýaldy oqytýdyń jol kartasy jasalǵan. Bıznes ókilderi oqý baǵdarlamalaryn qalyptastyrýǵa qatysyp, bilim berý mazmunyn eńbek naryǵynyń naqty talabyna beıimdeýge atsalysady.

- Palata sarapshylary kolledjderge bilim berý baǵdarlamalary men fakýltatıvti pánderdi jumys berýshilerdiń talaptaryna beıimdeýge kómektesedi. Bıznes ókilderi kolledjderdiń konsýltatıvtik jáne biliktilik komıssııalarynyń quramyna kirgen, - deıdi SQO Kásipkerler palatasynyń dırektory Esjan Orazalın.

Dýaldy oqytýdyń taǵy bir paıdasy - kolledj oqytýshylarynyń da óndiristen qol úzbeýi. Arnaıy pán oqytýshylary men óndiristik oqytý sheberleri jyl saıyn oblystaǵy kásiporyndarda taǵylymdamadan ótedi.

Al stýdentterge óndiriste jetekshilik etetin tálimgerler arnaıy daıyndyqtan ótedi. Kásipkerler palatasy janyndaǵy Tálimgerlik mektebinde búginde 253 tálimger oqyp, sertıfıkat alǵan.

Mundaı júıeniń stýdent úshin basty artyqshylyǵy - oqý kezinde óndiristik tájirıbe jınaqtaıdy, eńbek ótili esepteledi, jumysqa ornalasý múmkindigine ıe bolady.

Óńirde dýaldy oqytýdy alǵashqylardyń biri bolyp engizgen oqý oryndarynyń biri - Joǵary qurylys-ekonomıkalyq kolledji.

Munda tehnıkalyq jáne qurylys mamandyqtarynda oqıtyn jastar oqý ýaqytynyń 60-70% áleýmettik seriktesterdiń óndiristik nysandarynda ótkizedi. Jyl saıyn shamamen 600 stýdent 31 kásiporynnyń bazasynda tálim alady.

- Stýdentter alǵan bilimin praktıkada qoldanyp, kásibı tájirıbesin shyńdaıdy. Osylaısha olar oqý bitirgenge deıin-aq eńbek jaǵdaıyna beıimdeledi. Bizdiń túlekter negizinen óndiristik praktıkadan ótken kásiporyndaryna jumysqa ornalasady, - deıdi kolledj dırektorynyń orynbasary Sáýle Erhanova.

Keler jyly kolledjdi 88 stýdent aıaqtaıdy, olardyń arasynda sheber-qurylysshylar, elektrgazben dánekerleýshiler, gaz jabdyqtarynyń slesarlary, aspazdar men kondıterler bar.

«Ash stroy» JShS jyl saıyn Joǵary qurylys-ekonomıkalyq kolledjiniń stýdentterin óndiristik praktıkaǵa qabyldaıdy. Qazir kompanııada úshinshi kýrsta oqıtyn bes stýdent tájirıbeden ótip jatyr.

- Stýdentterdi ystyq tamaqpen jáne tolyq áleýmettik paketpen qamtamasyz etemiz. Jalaqylary 200 myń teńgeden bastalady, - deıdi kompanııanyń óndiris sheberi, prorab Damır Shakýbaev.

Buǵan deıin Qazaqstanda eńbek naryǵynda suranysy ózgergen mamandyqtar boıynsha kadr daıarlaý júıesi qaıta qaralyp jatqanyn jazǵan edik.