SQO-da kolledj dırektory Oksford ýnıversıtetiniń Qurmetti professory atandy
Soltústik Qazaqstan oblysy bilim basqarmasy baspasóz qyzmetiniń málimetinshe, 17 jeltoqsanda Raýza Kasheneva ónerdi damytýǵa jáne talantty jastardy tárbıeleýge sińirgen eńbegi úshin Oksford ýnıversıtetiniń Qurmetti professory atanyp, ordenimen marapattaldy, dep habarlaıdy Habar24kz saıty.
Raýza Kasheneva – pedagogıka ǵylymdarynyń kandıdaty, QR bilim berý isiniń qurmetti qyzmetkeri. Bilikti ustazdyń shákirtteri oblystyq, respýblıkalyq jáne halyqaralyq konkýrstarǵa belsendi qatysyp, júldeli oryndardan kórinip júr.
Raýza Ábýtálipqyzynyń ózi de sahnada án aıtyp, respýblıkalyq jáne halyqaralyq deńgeıdegi festıvalderge, baıqaýlarǵa qatysyp turady. Ol ıtalııalyq uly organıst, Vatıkannyń radıo jáne teledıdar dırektory Artýro Sakettıdiń Tallın qalasyndaǵy Domskıı soborynda ótken kontsertine qatysty.
Ustaz Nıderlandyǵa gastrolge shyǵyp, 15 jeke kontsertin berdi. Amsterdam konservatorııasynda bolǵan Belkanto festıval-konkýrsyna qazylar alqasynyń múshesi retinde qatysty. Osy saparynda 74 mınýtqa sozylǵan kontsertiniń dıskisin shyǵardy.