SQO-da kólik júrgizýge quqyǵy joq 6 adam taksı qyzmetin usynyp kelgen
PETROPAVL. KAZINFORM – Soltústik Qazaqstan oblysynda polıtseıler «Zańsyz kelýshi-taksıst» jedel-profılaktıkalyq is-sharasyn ótkizdi.
SQO Polıtsııa departamenti baspasóz qyzmetiniń málimetinshe, bul is-shara qoǵamdyq tártipti saqtaýǵa, azamattardyń qaýipsizdigin qamtamasyz etýge jáne sheteldikterdiń kóshi-qon zańnamasyn saqtaýyna baǵyttalǵan.
Polıtsııa reıdterge shyǵyp, jolaýshy tasymaldaýshylardy tekserdi. Nátıjesinde 11 zańsyz tasymaldaýshy anyqtaldy. Onyń ishinde jaqyn shet elderdiń biriniń 21 jastaǵy azamaty bar.
Budan bólek, polıtseıler jolaýshylardy mindetti saqtandyrýsyz tasymaldaýmen aınalysqan 17 júrgizýshini anyqtady.
Taǵy 24 adam tehnıkalyq tekserýden ótpegen kólikterimen jolaýshy tasymaldaǵan, al 6 adamnyń kólik júrgizý quqyǵy bolmaǵan.
Sondaı-aq is-shara barysynda kóshi-qon zańnamasynyń buzýdyń 92 deregi anyqtaldy.
Buǵan deıin SQO-da jańa jyl qarsańynda arnaıy qyzmetterdiń mobıldi toptary jumys istep jatqanyn jazǵan edik.