SQO-da kóliktik baqylaý ınspektsııasynyń bólim basshysy 5 jylǵa sottaldy
SQO boıynsha sybaılas jemqorlyqqa qarsy qyzmet jetekshisi Jarqyn Ǵalymovtyń aıtýynsha, kóliktik baqylaý ınspektsııasynyń bólim basshysy R.B.Maǵzumov kásipkerlerdiń birinen oblys aýmaǵynda onyń júk kólikteri esh kedergisiz júrýi úshin jáne jalpy qamqorlyǵy úshin 500 myń teńge para alǵan.
Oqıǵa byltyr shilde aıynda bolǵan. Maǵzumovqa oblys kásipkerleriniń biri kelip, bes júk kóliginiń oblysta kedergisiz júrýine kómektesýin suraǵan. Sheneýnik bul qyzmetin 500 myń teńgege baǵalapty. Eki kúnnen keıin, ıaǵnı 29 shildede Maǵzumov para alyp jatqan jerinde ustaldy.
Bıyl 19 naýryzda Petropavl qalalyq soty eks-bólim basshysyn kináli dep taýyp, 5 jylǵa sottady. 11 mamyr kúni SQO sotynyń qylmystyq ister boıynsha sot alqasy qalalyq sottyń úkimin ózgerissiz qaldyrdy.
Byltyr 28 mamyrda kóliktik baqylaý ınspektsııasynyń bas mamany J.Muqanov 1,5 mln teńge para alyp ustalǵan edi.
Osyǵan baılanysty SQO kóliktik baqylaý ınspektsııasynyń basshysy R.Seıtalın tártiptik jaýapkershilikke tartylyp, sógis aldy. Al onyń orynbasary A.Markovke qatysty kadr qyzmeti departamenti qyzmettik tergeýdi bastady.