SQO-da kólik júrgizý quqyǵynan aıyrylǵan jigit júrgizýshi bolyp istegen
PETROPAVL. QazAqparat - Soltústik Qazaqstan oblysynda úsh kún ishinde 1331 jol júrý erejesin buzýshylyq anyqtaldy, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Atap aıtsaq, 143 jyldamdyqty arttyrý, 147 kólikti basqara otyryp telefonmen sóılesý jáne 238 qaýipsizdik belbeýin paıdalanbaý tirkeldi. Ýálıhanov aýdanynda polıtsııa qyzmetkerleri jumys berýshisinen kólik quralyn basqarý quqyǵynan 3 jylǵa aıyrylǵandyǵyn jasyryp, jumys isteýin jalǵastyrǵan 22 jastaǵy KamAZ júrgizýshisin ustady.
Sonymen qatar, polıtsııa qyzmetkerleri eki kún ishinde mas kúıde kólik basqarǵan 15 júrgizýshini toqtatty.
Olardyń ekeýi - 1990 jáne 1989 jylǵy jergilikti turǵyndar edáýir qyzý kúıde bolǵan. Onyń ústine eshqashan júrgizý emtıhanyn tapsyrmaǵan bolyp shyqty.
«Lada» kóliginiń 20 jasar júrgizýshisi jýyrda ǵana ýaqytsha ustaý oqshaýlaǵyshynan shyqqan. Aýdandyq sot ony kólik júrgizý quqyǵy joqtyǵyna qaramastan, aǵasyna tıesili avtokólikti júrgizgendigi úshin 20 táýlik ákimshilik qamaýǵa alǵan. Jazasyn ótep shyqqan jigit «bostandyǵyn jýýǵa» jáne qaıtadan kólik basqarýǵa asyqqan», - dedi baspasóz qyzmeti. Endigi ýaqytta QR QK 608 bap 7 bóliminde qarastyrylǵan ákimshilik quqyq buzýshylyqtarǵa sáıkes, mas kúıde kólik aıdaýshyny oqshaýlaǵyshta burynǵysynan uzaq merzimde ustaý jazasy kútip tur.
Jyl basynan beri alkogol 8 jol kólik apatyna sebep bolyp, 2 adam qaza taýyp, 12 adam aýyr jaraqat alǵan.
