SQO-da kólik konstrýktsııasy túrindegi qosalqy bólshekter shekarada zańsyz toqtatylǵan – Antıkor
Ol memlekettik kirister departamentiniń eksporttyq baqylaý qyzmetkerleri tarapynan ákimshilik kedergige tap bolǵanyn aıtqan. Er adam avtomobıl konstrýktsııasy túrindegi qosalqy bólshekterdi shekara beketi arqyly ótkizbek bolǵan, alaıda mamandar oǵan tyıym salǵan.
SQO Memlekettik kirister departamentiniń laýazymdy tulǵalarynyń aıtýynsha, is júzinde shetelden ákelinetin qurylym avtokólik quraly bolyp tabylatyndyqtan, ol odan ári tirkeý esebine qoıylýy múmkin.
Oblystyq polıtsııa departamentiniń jaýabyna sáıkes, bul konstrýktsııa avtokólik quraly bolyp eseptelmeıdi, sol sebepti esepke qoıylýy múmkin emes.
Alaıda, eksporttyq baqylaý qyzmetkerleri konstrýktsııadaǵy qozǵaltqysh pen aspasy alynyp tastalǵan jaǵdaıda ǵana ákelinetin taýardy ótkizýge kelisetinderin aıtyp, osylaısha kásipkerge ákimshilik kedergi jasaıdy.
Sybaılas jemqorlyqqa qarsy is-qımyl jónindegi aýmaqtyq departament shuǵyl túrde Memlekettik kirister departamenti basshylyǵynyń jáne kásipkerdiń qatysýymen dıalog alańyn uıymdastyrdy. Nátıjesinde shekaralyq beket arqyly avtomobıl konstrýktsııasy túrindegi qosalqy bólshekterdi ótkizýge tyıym salýǵa negiz joq ekendigi anyqtaldy.
Qazirgi ýaqytta ótinish ıesi kásipkerlik qyzmetin kedergisiz júzege asyryp jatyr.
Sonymen qatar, SQO Memlekettik kirister departamentiniń bastamasymen beketterde júıeli máseleler jáne sybaılas jemqorlyq táýekelderin boldyrmaý maqsatynda eksporttyq baqylaý salasynda sybaılas jemqorlyq táýekelderine syrtqy taldaý bastaldy.
