SQO-da kólik apatynan er adam kóz jumdy
PETROPAVL. QazAqparat - Qyzyljar aýdanyndaǵy Báıterek aýylyna jaqyn mańda 2 jeńil kólik soǵysyp, saldarynan 1 adam kóz jumdy, dep habarlaıdy «QazAqparat» HAA tilshisi.
Soqtyǵysqan kólikterdiń fotosýretteri áleýmettik jelige tarap ketti. Oblystyq ishki ister departamentiniń baspasóz qyzmeti jol apatynyń óńir aýmaǵynda tirkelgenin rastap otyr.
«VAZ-21140 jáne Aýdı-100 avtokólikteri soqtyǵysqan. Oqıǵa ornynda Esil aýdanynyń ıAvlenka aýylynda turatyn 1978 jylǵy «Jıgýlı» kóliginiń júrgizýshisi kóz jumdy. Dál sol kóliktegi taǵy bir jolaýshy aýrýhanaǵa jetkizildi. QR QK-niń 345-baby 3-bóligi boıynsha sotqa deıingi tergeý amaldary bastaldy», - dep habarlaıdy oblystyq ІІD baspasóz qyzmetinen.
Kúni keshe óńirde kún raıy edáýir jylyp ketken bolatyn. Oǵan qosa búgin kúni boıy óńirdiń birshama bóligin qoıý tuman basyp, jol kóktaıǵaqqa aınalǵan. ІІD turǵyndardy jolda abaı bolýǵa shaqyrdy.
