SQO-da kóligine jalǵan nómir taqqan er adam sottaldy
PETROPAVL. KAZINFORM – Soltústik Qazaqstan oblysynda kólikke jalǵan nómir taǵyp júrgen aýyl turǵyny 3 táýlikke qamaýǵa alyndy.
SQO sotynyń málimetinshe, Ýálıhanov aýdanynyń turǵynyn jol polıtsııasy toqtatyp, qujattaryn teksergen. Ákimshilik quqyqbuzýshylyq týraly hattamaǵa saı, M. esimdi er adam «VAZ 2111» markaly avtokóligin jalǵan memlekettik tirkeý nómirlerimen basqarǵan.
Sot otyrysynda júrgizýshi óz kinásin moıyndamady. Aıtýynsha, ózi basqarǵan «VAZ 2111» avtokóliginiń kólik quralyn tirkeý kýáligi joq. Mashınany aýyzsha kelisim arqyly satyp alǵan.
Sot qaýlysymen M. ÁQBtK-niń 590-babynyń 4-bóligi boıynsha kináli dep tanylyp, oǵan 3 táýlik merzimge ákimshilik qamaqqa alý jáne 1 jyl merzimge kólik quralyn basqarý quqyǵynan aıyrý túrindegi ákimshilik jaza taǵaıyndaldy. Qaýly zańdy kúshine endi.
Buǵan deıin QR Іshki ister mınıstrligi Ákimshilik polıtsııa komıtetiniń resmı ókili Aqtoty Boranova salada jańa jylda qandaı ózgerister bolatynyn aıtqan edi.