SQO-da kólderdi aeratsııalaý jumystary júrgizilip jatyr
ASTANA. KAZINFORM – Soltústik Qazaqstan oblysynda balyqtardyń qyrylýynyń aldyn alý maqsatynda kólderdi aeratsııalaý boıynsha is-sharalar júrgizilip jatyr.
Aýyl sharýashylyǵy mınıstrligi málimetinshe, óńirdiń sý aıdyndarynda muz qabaty men qalyń qar jamylǵysynyń qalyńdaýy jaǵdaıynda sýdaǵy otteginiń qajetti deńgeıin ustap turýǵa baǵyttalǵan jumystar uıymdastyryldy.
QR AShM Balyq sharýashylyǵy komıtetiniń Esil oblysaralyq basseındik balyq sharýashylyǵy ınspektsııasy Soltústik Qazaqstan oblysy boıynsha balyq ınspektsııasy bóliminiń qyzmetkerleri Qyzyljar aýdanyndaǵy Jelıakovo kóline zertteý júrgizdi. Óıtkeni onda balyqtardyń qyrylý qaýpi anyqtalǵan bolatyn. Belgilengen sý aıdyny rezervke jatady jáne jalǵa berilmeıdi. Sý tasqyny kezinde kóldiń Esil (Esil) ózenimen gıdrologııalyq turǵydan baılanysty bolady.
Zertteý nátıjesi boıynsha sýda erigen otteginiń jetispeýshiligi nátıjesinde sýdaǵy bıologııalyq resýrstardyń qyrylý qaýpi joǵary ekendigi anyqtaldy. Onyń aldyn alý maqsatynda balyqtardy aýlap, sodan keıin Esil ózenine kóshirý týraly sheshim qabyldandy.
Ótkizilgen is-sharalar nátıjesinde 400-den astam balyq, sonyń ishinde shortan, torta, aqqaıran balyqtarynyń shabaqtary qutqaryldy.
Qysqy-kóktemgi kezeńde sý bıologııalyq resýrstarynyń jappaı qyrylýyna jol bermeýge baǵyttalǵan sý aıdyndarynyń josparly monıtorıngi jalǵasyp jatyr.
Aıta keteıik, SQO-da sýy taıaz kóldiń balyqtary Esilge jiberildi.
Shymkenttegi Badam ózeninde nege balyq qyryldy.
Balyqtyń jappaı qyrylýyna hımııalyq quramdaǵy tógindi sýdyń avarııalyq túrde aǵyzylýy sebep bolýy múmkin. Ekologtar oqıǵa ornyna baryp, sý synamalaryn alyp, aldyn ala qorytyndy jasady.