SQO-da kókjótelmen aýyrǵandar sany artty

Soltústik Qazaqstan oblysynda kókjótel aýrýynyń zerthanalyq rastalǵan 10 jaǵdaıy tirkeldi. Eki naýqas qazirgi ýaqytta statsıonarlyq em alyp jatyr, dep habarlaıdy Kazinform.

SQO Sanıtarııalyq-epıdemıologııalyq baqylaý departamentiniń málimetinshe, byltyr bir ǵana adam kókjótelmen aýyrsa, bıyl syrqattanǵandar sany 9-ǵa artqan. Olardyń segizi aýrýhanadan táýir bolyp shyqty.

«Eki adamnyń kókjóteldi Tájikstannan juqtyryp ákelgeni anyqtaldy. Jalpy barlyq jaǵdaılar Petropavlda tirkelgen. Onyń ekeýinde bir úıden eki adamnan aýyrǵan.

Jas qurylymy boıynsha jeti jaǵdaıda aýyrǵandar 14 jasqa deıingi balalar, 20-29 jas tobynda 1 adam, 30-39 jas tobynda 1 adam, 40-49 jas tobynda 1 adam aýyrdy.

Kókjótelmen aýyrǵan jaǵdaılardyń 60 % jeke senimine qatysty vaktsınadan bas tartyp, qarsy egilmegen. Qalǵan syrqattar aýrýǵa qarsy ekpe alǵan-almaǵanyn bilmeıdi», - deıdi departamen basshysy Áset Jumataev.

Kókjótelge qarsy negizgi profılaktıkalyq shara – vaktsınatsııa. Aýrýdan qorǵaný úshin balalarǵa 2, 3, 4 aıynda 3 ekpe jasalýy qajet. Kelesi revaktsınatsııa bir jarym jasta júrgiziledi.

«Kókjótel - bul negizinen balalarda bolatyn jáne belgili bir klınıkalyq kórinisi men belgileri bar juqpaly aýrý. Eki jasqa deıingi balalar men qart adamdarda jıi asqynady. Degenmen, kez kelgen jasta adam aýyrýy múmkin.

Kókjótel kezinde dene temperatýrasy +38°S deıin kóterilip, denesi qaltyraıdy. Álsizdik bolyp, bulshyqetteri, basy aýyrady. Murynnan aǵady, biteledi. Qurǵaq jótel mazany alady», - deıdi Áset Jumataev.