SQO-da qoqys tastaǵan aýyl turǵyny tutqyndaldy
PETROPAVL. QazAqparat - Soltústik Qazaqstan oblysynda eldi mekende qoqys tastap ketkeni úshin aýyl turǵyny 1 táýlikke qamaldy, dep habarlaıdy QazAqparat.
Oblystyq ІІD-niń baspasóz qyzmeti oqıǵa Aqqaıyń aýdany, Cherkasskoe aýylynda bolǵanyn jetkizdi. Ýchaskelik ınspektor Serǵazy Qasenov ózine berilgen aımaqty baqylaý barysynda júk kóligin baıqap qalǵan. Kóliktiń júrgizýshisi eldi mekenniń mańyna qoqystaryn tastap ketip bara jatqan.
«Іsti tekserý barysynda málim bolǵany, Qııaly aýylynyń 26 jastaǵy turǵyny Cherkaskoe aýylyna otyn alyp kelýge bara jatqan. Aýylǵa kire berer tusta ol greıder mańyna júk kóligine salyp alyp kelgen qoqystaryn tastaı salǵan. Onyń áreketine qatysty «Qalalar men eldi mekenderdiń kógaldandyrý erejelerin buzý» áreketi boıynsha ákimshilik hattama toltyryldy»,-dep habarlady baspasóz qyzmetindegiler.
Sot sheshimine sáıkes aýyl turǵyny 1 táýlikke qamaýǵa alyndy.
Jergilikti polıtsııa aqparaty boıynsha, qańtar aıynda oblys boıynsha, qalalar men eldi mekenderdi kógaldandyrý talaptaryn buzýdyń 770 faktisi anyqtalǵan.
