SQO-da qoqys suryptaý kesheni salynbaq
PETROPAVL. QazAqparat – Soltústik Qazaqstan oblysynda jylyna 70 myń tonna qoqys suryptaıtyn keshendi salý josparlanǵan. Joba memlekettik-jekeshelik áriptestik negizinde júzege asyrylmaq, dep habarlaıdy QazAqparat tilshisi.
Qoqys suryptaý kesheni qurylysyn júrgizýge SQO tabıǵı resýrstar jáne tabıǵat paıdalanýdy retteý basqarmasy konkýrs ótetindigi jaıynda habarlady.
Jobany memlekettik-jekeshelik áriptestik negizinde júzege asyrý josparlanǵan.
Nysanǵa tapsyrys berýshi – Petropavl qalasynyń turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi. Ǵımaraty bar óndiristik keshen Shahovskoe aýyly mańynda, «Qyzyljar Tazalyq» JSh-niń qatty turmystyq qaldyqtar polıgonynyń aýmaǵynda salynýy tıis. Bul maqsatqa 1 ga jer bólingen. Qurylys kelesi jyly bastalyp, 12 aı ishinde paıdalanýǵa berilýi tıis.
Keshen toqtaýsyz jumys istep, jylyna 70 myń tonna qoqysty óńdeýi tıis. ıAǵnı qatty turmystyq qaldyqtardy qabyldap, suryptap, brıketteıdi. Eki jeli - plastmassa, makýlatýra, shyny sııaqty qatty turmystyq qaldyqtardy irikteýdi qamtamasyz etetin «taza» turmystyq qaldyqtarǵa arnalǵan jáne metall, aǵash, toqyma, súıek, teri, rezeńke sııaqty qoqysty suryptaıtyn jeli bolady.
Qoqys suryptaý kesheni irikteýden keıin qalǵan qatty turmystyq qaldyqtar kólemin 4-5 ese azaıtpaq. Qoqys joǵary qysymda brıkettelip, bul olardy kómý úshin polıgondar alańyn neǵurlym tıimdi paıdalanýǵa múmkindik beredi.
Jobany iske asyrý óńirdiń ekologııasyn jaqsartyp, tabıǵı jáne energetıkalyq resýrstardy únemdeýge jaǵdaı jasaıdy.
