SQO-da kóktemgi sý tasqynyna ázirlik keı aýdandarda tıisti deńgeıde júrgizilmeı jatyr
PETROPAVL. KAZINFORM – Soltústik Qazaqstan oblysynyń prokýrorlary sý tasqynyna daıyndyq barysyn tekserý kezinde keı aýdandardyń bul iske júrdim-bardym qaraǵanyn anyqtady.
SQO prokýratýrasynyń málimetinshe, Tótenshe jaǵdaılardyń aldyn alý boıynsha zańdylyqtyń jaı-kúıin taldaý barysynda Qazaqstan Respýblıkasynyń «Azamattyq qorǵaý týraly» Zańynyń talaptary óreskel buzylǵandyǵy belgili boldy.
Máselen Aıyrtaý aýdany ákimdiginiń laýazymdy tulǵalary tasqyn sý basatyn eldi mekenderden qar shyǵarý jumystaryn uıymdastyrmaǵan.
Zań talaptaryn buza otyra, bul aýdanda jaýapty tulǵalar oblystyq jáne aýdandyq mańyzy bar joldarda sý ótkizgish qubyrlardy tazalaý jumystaryn júrgizbegen.
Osyndaı zańbuzýshylyqtar Ǵ.Músirepov, Shal aqyn, Esil aýdandarynda da anyqtalǵan.
Tımırıazev aýdanynda ınjenerlik tehnıka men ınertti materıaldy alýǵa shart jasalmaǵan.
Sonymen birge Mamlıýt, Ǵ.Músirepov, Ýálıhanov aýdandarynyń jergilikti atqarýshy organdardyń laýazymdy tulǵalary qorǵanysh topyraq úıindisin nyǵaıtý jáne sý ótkizgish qubyrlardy ornatý boıynsha 2024 jylǵy sý tasqynyna daıyndyq boıynsha ınjenerlik jumystar josparynyń is-sharalaryn oryndamaǵan.
Qadaǵalaý organynyń sharalary boıynsha jergilikti atqarýshy organdar zańbuzýshylyqtardy joıý boıynsha jumys júrgizýde.
Júrgizilgen taldaý nátıjesi boıynsha oblys prokýrory Qaırat Ábdihanovtyń tóraǵalyǵymen vedomstvoaralyq keńes ótip, atqarylyp jatqan jumystar týraly jaýapty laýazymdy tulǵalar esep berdi.
Otyrys nátıjesinde sý tasqynynyń qaýipsiz ótýine jáne tótenshe jaǵdaıdyń aldyn alýǵa baǵyttalǵan keshendi jumystardy júrgizý týraly birlesken sheshim qabyldandy.
