SQO-da kóktemde 480 jigit ásker qataryna alynady
PETROPAVL. QazAqparat – Soltústik Qazaqstan oblysynda bıyl kóktemde 480 jigit ásker qataryna alynady, olardyń alǵashqy legi 13 naýryz kúni shekara qyzmetine attanady, dep habarlaıdy QazAqparat tilshisi.
SQO qorǵanys isteri jónindegi departamenttiń bastyǵy Talǵat Áliqulovtyń aıtýynsha, 10 qańtar men aqpan aıynyń sońyna deıin áskerı komıssarıatta daıyndyq kezeńi ótti.
Búginge deıin jasóspirimderdi áskerge shaqyrý ýchaskesine tirkeý jumystary da aıaqtalyp, 3010 bozbala esepke alyndy.
Jalpy qazir SQO boıynsha 14 124 jigit esepte tur.
«Olardyń 13 054-i áskerge shaqyrtýǵa jaramaıdy. 6 484 adam keıinge qaldyryldy. 2495 áskerge shaqyrtýdan bosatyldy. 1070 jigit áskerge jaramdy. 13-19 naýryz aralyǵynda shekara qyzmetine eki komanda attanady. Qarýly kúshterge 27 naýryzdan 25 mamyrǵa deıin alty komanda jiberýdi josparladyq. 19 mamyr men 24 maýsym aralyǵynda Ulttyq Ulanǵa 7 komanda jiberiledi», - deıdi Talǵat Áliqulov.
Ótken kúzde óńirden Otan aldyndaǵy boryshyn óteýge 550 jigit shaqyrtyldy. Osylaısha SQO mindetti 100% oryndady.
Bıyl da epıdemıologııaldyq jaǵdaıǵa baılanysty áskerge alynatyn jigitter áskerı bólimge attanar aldynda jáne bólimge jetkennen keıin 2 ret PTR-test tapsyrady.
Onyń nátıjesine qaramastan bolashaq sarbazdar eki aptalyq karantınde oqshaýlanady.
