SQO-da kóktaıǵaqta aýdarylǵan júk kóligi órtendi
Búgin Taıynsha aýdany Obýhovka eldi mekeni mańyndaǵy avtojolda KamAZ aýdarylyp, kóliktiń kabınasynan órt shyqty. Jol-kólik oqıǵasynyń beınejazbasy áleýmettik jelide jarııalandy. Apatqa kóktaıǵaq sebep bolǵan. Búgin túnde SQO-da qalyń qar jaýyp, onyń arty kóktaıǵaqqa ulasqan edi.
SQO tótenshe jaǵdaılar departamenti baspasóz qyzmetiniń málimetinshe, oqıǵa jaıynda búgin saǵat 9.56 mınýt ketkende habar túsken. Qońyraý shalǵandar «Nur-Sultan-Petropavl» avtomobıl jolynda KamAZ kóliginiń aýdarylyp, janyp jatqanyn aıtqan. Kómekke jaqyn mańdaǵy Kellerovka eldi mekeniniń órt sóndirýshileri jetip, kóliktiń sóndirip aldy. Oqys oqıǵadan eshkim shekpedi.
Jol-kólik oqıǵasy jaıynda SQO polıtsııa departamenti de túsinik berdi. Mamandardyń aıtýynsha, júk kóligine qıyrshyq tas artylǵan. Qolaısyz aýa raıyna baılanysty júrgizýshi rýlge ıe bola almaı qalyp, mashınany aýdaryp alǵan. Saldarynan júk kóliginen ot shyqqan.