SQO-da kóktaıǵaqqa baılanysty respýblıkalyq mańyzy bar joldar jabyldy

PETROPAVL. QazAqparat – Soltústik Qazaqstan oblysynda kóktaıǵaqqa baılanysty respýblıkalyq mańyzy bar birqatar jol júk kólikterine jabyldy, dep habarlaıdy QazAqparat tilshisi.

SQO nótenshe jaǵdaılar departamenti baspasóz qyzmetiniń málimetinshe, aýa raıynyń nasharlaýyna baılanysty búgin saǵat 11.00-den bastap respýblıkalyq mańyzy bar joldardyń birqatarynda júk kólikteriniń qozǵalysy shekteldi.

Olar:

- RF shekarasy Chelıabige, Novosibirge, Petropavl arqyly Ombyǵa baratyn Petropavldan Býlaev qalasyna deıingi aralyǵy, M-51 avtojolynyń 535-618 shaqyrymy;

«Astana - Petropavl» A-1 avtojolynyń 392-473 km (Roşınskoe eldi mekeninen Petropavlǵa deıin);

- «Jezqazǵan – Petropavl, Arkalyq arqyly» A-16 avtojolynyń 673-946 km (Toqsan bı aýylynan Beskól aýylyna deıin);

- «Petropavl - Sokolovka - RF shekarasy (Ishım qalasyna qaraı)» A-12 avtojolynyń 11-73 km (Petropavldan RF shekarasyna deıin);

- «Kókshetaý - Rýzaevka» R-11 avtojolynyń 61-196 km (Aqmola oblysynyń shekarasynan Rýzaevka eldi mekenine deıin);

- «RF shekarasynan (Ekaterınbýrg jaqqa) - Almaty» M-36 avtojolynyń 729-856 km (Qostanaı oblysy shekarasynan Aqmola oblysynyń shekarasyna deıin);

- «Qarasaı batyr memorıaldyq keshenine barar jol» R-28 avtojolynyń 0-24 km (Saýmalkól aýylynan Qarasaı batyr memorıaldyq keshenine deıin).