SQO-da kitaphanashylar Naýryz qarsańynda balalar aýylyna mereke uıymdastyrdy

PETROPAVL. QazAqparat - Petropavldaǵy balalar aýylynyń tárbıelenýshileri Naýryz merekesin Ǵ. Músirepov atyndaǵy oblystyq balalar men jasóspirimder kitaphanasynda toılady, dep habarlaıdy QazAqparat tilshisi.

Soltústik Qazaqstan oblysyndaǵy uıymdar men ujymdar Naýryz merekesin toılaýdy bastap ketti. Balalar men jasóspirimled kitaphanasynyń ujymy balalar aýylynyń tárbıelenýshilerine arnaıy syı jasady.

Kitaphananyń ádiskeri Ekaterına Starostınanyń aıtýynsha, balalardyń qyzyǵy úshin «Jasa, Naýryz, dástúrli!» atty merekelik shara uıymdastyryldy.

«Naýryz merekesinde keń dastarhan jaıyp, dostardy, týystar men kórshi-qolańdy úıge shaqyrý izgi dástúr. Kitaphana qyzmetkerleri de qazaqtyń ulttyq dástúrin kórsetip, qonaqtarǵa naýryz kóje taratty, ústel oıyndary boıynsha sheberlik sabaqtaryn ótkizdi», - deıdi E. Starostına.

Dombyrada kúı shyrqalyp, halyq ánderi aıtyldy. Kitaphana aldyndaǵy alańda arqan tartýdan jarys bolyp, kishkentaılarǵa baýyrsaqtyń qalaı pisiriletini kórsetildi.

Óńirdegi negizgi merekelik sharalar 21 naýryzda bastalady. Petropavldyń ár aýdanynda mádenı oıyn-saýyqtar baǵdarlamasy qoıylady.

Avtor: Olesıa Jýkoven