SQO-da kirisi joq, biraq memleketke qaryzy bar 78 adam jumysqa ornalastyryldy
QR Ádilet mınıstri Qanat Mýsınniń aıtýynsha, qoldanystaǵy zańnamany jańartylǵan Konstıtýtsııaǵa sáıkes keltirý maqsatynda mınıstrlik 5 zań jobasyn ázirledi. Senat depýtattary atalǵan jańalyqtardy 3-qarashada qabyldady.
Ádilet mınıstri notarıýstardyń, advokattar men zań keńesshileriniń qyzmetine qatysty ótinishter jıi kelip túsetinin aıtty.
«Qazirgi ýaqytta «Notarıat týraly» Zańǵa túzetýler engizildi, endi mámileni jyljymaıtyn múlik ornalasqan jerge baryp resimdeý mindetti emes, respýblıka boıynsha kez kelgen notarıýsta jasaýǵa bolady.
Sondaı-aq «Advokattyq qyzmet jáne zań kómegi týraly» Zańǵa ózgerister engizildi, oǵan turmysy tómen jáne kópbalaly otbasylarǵa, turmystyq zorlyq-zombylyq, azaptaý qurbandaryna, 1 jáne 2 sanattaǵy múgedekterge, zeınetkerlerge tegin quqyqtyq keńes alýǵa zańdy túrde kepildik berildi. Bıylǵy 9 aıda SQO-da 7 myń azamatqa tegin zańdyq kómek kórsetildi», - dedi Qanat Mýsın.
Sonymen qatar, Ádilet mınıstri nekeni tirkeý merzimi 15 kúnge deıin qysqartylǵanyn atap ótti.
«Elektrondyq úkimet» jáne «eGovmobile» portaly arqyly týý, neke jáne qaıtys bolý týraly kýálikti elektrondy túrde alýǵa bolady. Sonymen qatar, jańa týǵan nárestege týý týraly kýálikti ekinshi deńgeıdegi bankterdiń (Kaspi jáne Halyk Banktiń) mobıldi qosymshalary arqyly alýǵa bolady», - dedi óz baıandamasynda QR Ádilet mınıstri.
Ádilet mınıstrligi Zııatkerlik menshik máselelerimen de aınalysady.
Qanat Mýsınniń aıtýynsha, bıylǵy 9 aıda SQO turǵyndary men kásiporyndary bergen ótinimder boıynsha 3 avtorlyq quqyq obektisi resmı tirkeldi, taýar belgilerine 11 kýálik, 3 ónertabysqa, 2 paıdaly modelge, selektsııalyq jetistikke 1 kýálik berildi.
«Sot aktilerin oryndaý ádilet organdary qyzmetiniń mańyzdy salalarynyń biri bolyp qala beredi. SQO-da 175 myń atqarýshylyq is júrgizilip, onyń 78 myńy óndirilip alyndy. Onyń basym bóligi - alıment óndirip alý jónindegi qujattar, SQO boıynsha bul shamamen 8 myń is.
Keıbir jaǵdaılarda boryshkerdiń turaqty tabysy men múlkiniń bolmaýyna baılanysty alıment óndirip alý qıynǵa soǵady. Osyǵan baılanysty, óńirlik ádilet departamentteri ákimdiktermen birlesip boryshkerlerdi jumysqa ornalastyrý úshin turaqty negizde Bos oryndar jármeńkesin ótkizedi. Mysaly, bıylǵy 9 aıda SQO boıynsha osyndaı 78 boryshker jumysqa ornalastyryldy», - dedi Qanat Mýsın.
Ádilet mınıstrliginiń 119 nómiri boıynsha táýlik boıǵy quqyqtyq aqparattyq qyzmeti jumys isteıdi, ol halyqqa barlyq quqyqtyq máseleler boıynsha tegin keńes beredi. Sondaı-aq vedomstvonyń saıtynda jáne áleýmettik jelilerdegi resmı akkaýnttarda quqyqtyq túsindirme aqparat ornalastyrylǵan.
