SQO-da QHA-nyń XXVII sessııasynyń qorytyndysy talqylandy
Sáýirdiń 29-y Nur-Sultan qalasynda «Beıbitshilik pen kelisim formýlasy: áleýmettik birlik jáne jańǵyrtý» taqyrybynda QHA XXVII sessııasy ótti. Delegatsııa quramyna etnomádenı birlestikterdiń jetekshileri, Analar keńesiniń jáne ǵylymı-sarapshylyq toptardyń ókilderi kirdi. Jalpy óńirden 37 delegat bardy.
Dóńgelek ústelge kelgender osy sessııadan alǵan áserlerimen, bilgen-túıgenderimen bólisti. Sondaı-aq etnosaralyq birlik, beıbitshilik pen kelisim jaıly sóz órbitti.
«Úsh memleketten Túrkııa, Reseı jáne Germanııadan sheteldikter baıandama jasady. Osy baıandamalar boıynsha men ózim ǵalym retinde oıǵa túıgenim - qazirgi ýaqytta halyqaralyq arenada Qazaqstan halqy Assambleıasynyń tájirıbesin joǵary deńgeıde zerttep jatyr. Bizdiń Qazaqstan 20-synshy ǵasyrdan bastap kópultty biriktirgen memleket retinde damyp jatyrmyz», - deıdi SQO QHA medıatsııa kabınetiniń meńgerýshisi Gúlbaqsha Musabaeva.
Sessııada bolǵan soltústikqazaqstandyq jastar Elbasy sózinen qanattanyp qaıtqandaryn jasyrmaıdy.
«Álemde, kúndelikti ómirde bári ózgerip jatyr. Bir ǵana dúnıe ózgerissiz qalady, ol - qoǵamnyń birligi men ultaralyq kelisim», -dedi Tuńǵysh Prezıdentimiz. Biz, árıne, munymen tolyq kelisemiz. Táýelsizdik jyldary dúnıege kelgen jańa, jas urpaq jetildi. Biz - memleketimizdiń damýy úshin aıanbaı eńbek etetinimiz anyq. Oblys jastary elimizdi, oblysymyzdy damytýǵa baǵyttalǵan barsha reformalardy qoldaıdy», - deıdi «Jańǵyrý joly» Jastar qozǵalysynyń jetekshisi Roksana Orynbasarova.
