SQO-da kene shaqqan 600-den astam adam dárigerge qaraldy
PETROPAVL. KAZINFORM – Soltústik Qazaqstan oblysynda keneden zardap shekkender sany tolastar emes. Desek te, ótken jylmen salystyrǵanda kene entsefalıtin juqtyrǵandar az.
SQO Sanıtarııalyq-epıdemıologııalyq baqylaý departamentiniń málimetinshe, kún jylynǵaly kene shaqqan 617 adam medıtsınalyq kómekke júgingen, olardyń 148-i – bala. Qyzyljar aýdanynan bir jasóspirim kene entsefalıtin juqtyrǵan.
Aýyrǵandar sany ótken jyldyń sáıkes kezeńimen salystyrǵanda bes ese az.
Kene entsefalıti - ortalyq júıke júıesiniń basym bóligin zaqymdaıtyn jiti ınfektsııalyq aýrý. Aýrý saldarynan adam múgedek bolyp, tipti ajal qushýy múmkin. Vırýs adamǵa negizinen ıksod keneler shaqqanda beriledi. Sonymen qatar mamandar qaınatylmaǵan sút ónimderi arqyly da ınfektsııa juqtyrý qaýpi bar ekenin eskertedi. Sondyqtan sútti mindetti túrde qaınatyp paıdalaný qajet.
Dárigerlerdiń aıtýynsha, keneden qorǵanýdyń eń tıimdi joly - vaktsına alý. Budan bólek, tabıǵatqa shyqqanda deneni tolyq jabatyn ashyq tústi kıim kıip, arnaıy repellentter qoldanǵan jón. Serýennen keıin kıim men deneni muqııat tekserý de mańyzdy.
- Eger kene terige jabysyp qalsa, ony múmkindiginshe tez ári durys alyp tastaý qajet. Mamandar keneni pıntsetpen nemese jippen abaılap shyǵaryp, shaqqan jerdi antıseptıkpen óńdeýge keńes beredi. Keıin mindetti túrde medıtsınalyq mekemege júginý kerek. Qajet bolǵan jaǵdaıda alǵashqy 72 saǵat ishinde ımmýnoglobýlın egip, aýrýdyń aldyn alady, - deıdi mamandar.
Buǵan deıin Shymkentte kene shaqqan 475 adam medıtsınalyq kómekke júgingenin jazǵan edik.
