SQO-da «QazAvtoJol» fılıalynyń basshysy para alý kúdigimen ustaldy
ASTANA. QazAqparat - Sybaılas jemqorlyqqa qarsy is-qımyl jónindegi ulttyq bıýronyń Soltústik Qazaqstan oblysy boıynsha departamenti qyzmetkerleri «QazAvtoJol» ulttyq kompanııasy» AQ oblystyq fılıalynyń basshysy A. Jankındi para alý kúdigimen ustady, dep habarlaıdy vedomstvonyń baspasóz qyzmeti.
4 mln. teńge mólsherindegi zańsyz syıaqyny ol Ulttyq qordyń esebinen «Nurly jol» memlekettik baǵdarlamasy sheńberinde respýblıkalyq mańyzy bar avtomobıl joldaryn rekonstrýktsııalaýdy júrgizip jatqan merdiger uıymǵa qamqorlyq jasaý úshin alǵan.
Jankın Petropavl qalasynyń ІІB ýaqytsha ustaý abaqtysyna qamaldy.
Sotqa deıingi tergeý júrgizilýde.
