SQO-da qazan aıynda 200 oryndyq ınfektsııalyq aýrýhana paıdalanýǵa berilmek
PETROPAVL. QazAqparat – Soltústik Qazaqstan oblysynda jedel turǵyzylatyn, zamanaýı ınfektsııalyq aýrýhana salynyp, qazan aıynda paıdalanýǵa berilmek, dep habarlaıdy QazAqparat tilshisi.
«Bizge jańa ınfektsııalyq aýrýhana kerek. Biz jedel turǵyzylatyn, zamanaýı, 200 orynǵa shaqtalǵan ınfektsııalyq aýrýhanany salamyz. Qaı jerge turǵyzylatynyn sheshtik. Nysan bıylǵy qazan aıynda ashylady. Bul aýrýhana barlyq sanıtarlyq-epıdemıologııalyq talaptarǵa saı kelmek. Zamanaýı qondyrǵy – KT jáne 20 ókpeni jasandy jeldetý apparatyn qoıamyz. Jańa aýrýhana medıtsınalyq qyzmettiń sapasyn arttyryp, medıtsınalyq qyzmetkerlerdiń aýrýdy juqtyrýyna jol bermeıdi», - dedi SQO ákimi Qumar Aqsaqalov.
Óńir basshysy búgin Petropavldaǵy kardıologııalyq ortalyqta bolyp, SQO-daǵy epıdemıologııalyq jaǵdaı týraly aıtqan edi. Qazirgi tańda qaýipti ınfektsııamen kúreske 1186 medıtsınalyq qyzmetker tartylǵan, onyń ishinde kardıoortalyqtyń dárigerleri men medbıbileri bar. Vırýspen kúresip jatqan óńirdiń medıtsınalyq qyzmetkerlerine 568 mln teńge ústemeaqy tólendi.
