SQO-da qazaq tili úıirmelerine suranys artqan
Bul jaıynda SQO ákimdiginiń otyrysynda belgili boldy. Jıynda tilderdi damytýǵa arnalǵan baǵdarlamanyń júzege asyrylý jaıy talqylandy.
Mamandardyń aıtýynsha, qazirgi tańda oblysta qazaq tilin meńgerýdi maqsat etkenderdiń sany artqan. Eger 2016 jyly tilderdi oqytý ortalyǵynda kýrsty 2 myń adam támamdasa, qazir ortalyqta 2800 soltústikqazaqstandyq oqyp júr. Tildi orta deńgeıde oqyp jatqan adamdardyń da sany osy aralyqta 11 den 30 topqa deıin jetken.
Baǵdarlamany júzege asyrý kezinde 15 myńnan asa adam «Qaztest» sertıfıkatyna ıe boldy. SQO ákiminiń aıtýynsha, bul jumysqa oblys turǵyndaryn kóptep tartý qajet.
«Jyl saıyn mindetti túrde ósim bolý kerek. Óıtkeni, memleket osy maqsatqa kóp qarajat jumsaýda. Til úırený úshin arnaıy mehanızmder jasalǵan», - dedi Qumar Aqsaqalov.
Sondaı-aq oblysta qazaq tilinde bilim alyp jatqan oqýshylardyń da sany kóbeıgen. Sońǵy jyldary bul kórsetkish 59-dan 69% deıin artty. Byltyr mektep túlekteriniń 76 paıyzy qazaq tilin V1 deńgeıinde meńgerse, 2017 jyly bul kórsetkish 70% quraǵan eken.
