SQO-da qazaq kúresinen respýblıkalyq týrnır márege jetti
PETROPAVL. QazAqparat – Soltústik Qazaqstan oblysynda aqyn, jyraý, qolbasshy Qojabergen Tolybaıuly atyndaǵy qazaq kúresinen ótken dástúrli respýblıkalyq týrnırdiń jeńimpazdary belgili boldy, dep habarlaıdy QazAqparat tilshisi.
SQO Dene shynyqtyrý jáne sport basqarmasy baspasóz qyzmetiniń málimetinshe, Petropavlda ótken Qojabergen jyraý atyndaǵy respýblıkalyq týrnırge elimizdiń toǵyz qalasynan 200-ge jýyq balýan jáne Soltústik Qazaqstannan 10 komanda qatysty. Bul joly jarys toǵyz salmaq dárejesinde, 16-17 jastaǵy bozbalalar arasynda ótti.
Eki kúnge shaqtalǵan týrnır nátıjesi boıynsha, 46 jáne 50 keli salmaq dárejesinde SQO BJSM tárbıelenýshileri Dmıtrıı Dıner men Rýslan Ilbısınov chempıon atandy. Taǵy bir soltústikqazaqstandyq balýan Ádilet Ánýarbek 60 kelide altynnan alqa taqty.
Nur-Sultannan kelgen Mereı Ábdikeshev 55 kelide, Samat Serikbaı 82 keli salmaq dárejesinde úzdik atandy.
Shyǵys Qazaqstannyń jas balýandary Nurjan Melsov 76 kelide «altyn» alsa, jerlesi Meıirjan Berikov 82 kelide óz myqtylyǵyn dáleldedi.
Aqtóbelik Bekarys Bazarbaev 65 keli salmaqta chempıon atandy.
