SQO-da qazaq aýylynyń kásipkerleri Ramazan aıynda araq-sharap satýdan bas tartty

PETROPAVL. KAZINFORM – Soltústik Qazaqstan oblysynda spırttik ishimdikterden bas tartqan eldi mekenderdiń sany artyp keledi. Olardyń qataryna ázirge ýaqytsha Qaraǵash aýyly qosyldy. 

SQO polıtsııa departamenti baspasóz qyzmetiniń málimetinshe, Taıynsha aýdany Abaı aýyldyq okrýginiń Qaraǵash aýylynda ýchaskelik polıtsııa ınspektory, ımam jáne aqsaqaldar kásipkerlerge qasıetti Ramazan aıynda ishimdik satýdan bas tartýdy usyndy. Olar ishimdik saýdasyna lıtsenzııasy bar dúken ıelerimen áńgimelesti. Kásipkerler aqsaqaldardyń usynysyn oń qabyldady.

«Qaraǵash aýylynda spırttik ishimdikterge suranys joq. Byltyr jáne bıylǵy jyldyń basynda aýylda birde-bir qylmys tirkelmedi. 2019 jyldan bastap osy okrýgke qyzmet etip kelemin. Sodan beri Qaraǵashta mas kúıinde jasalǵan birde-bir qylmys tirkelgen joq», - deıdi ýchaskelik polıtsııa ınspektory Rýslan Bekbolatov.

SQO-da araq-sharaptan tolyq bas tartqan bes aýyl bar. Olar: Taıynsha aýdanyndaǵy Teńdik aýyly, Aıyrtaý aýdanyndaǵy Qarasaı batyr jáne Birlestik aýyldary, Esil aýdanynyń Qaraǵaı aýyly jáne Ǵ.Músirepov atyndaǵy aýdannyń Kovylnoe eldi mekeni. Aqsaqaldar týǵan aýyldary Qaraǵash ta jaqynda solardyń qataryna qosylady degen úmitte.