SQO-da qaıtys bolǵan eki balanyń neden ýlanǵany belgili boldy

PETROPAVL. KAZINFORM – Soltústik Qazaqstan oblysy Qyzyljar aýdany Nadejka eldi mekeninde bir otbasy astan ýlanyp, eki búldirshin qaıtys boldy. Birqatar saraptamadan keıin balalardyń ólimine ne sebep bolǵany anyqtalyp otyr.

Oqys oqıǵa 13 maýsym kúni bolǵan edi. Esterińizge salaıyq, bir otbasynyń bes adamy keshki as kezinde aýyldaǵy dúkennen satyp alynǵan tushpara men shujyq jep, keıin ýlanyp, aýrýhanaǵa túsken edi. 3 jáne 6 jastaǵy balany qutqarý múmkin bolmady. 

«Sotqa deıingi tergeý aıasynda birqatar saraptama júrgizilip, nátıjesinde balalardyń ólimine nıtrıtterden ýlaný sebep bolǵan. Qazirgi ýaqytta istiń barlyq mán-jaıyn jan-jaqty, tolyq jáne obektıvti zerdeleýge baǵyttalǵan sotqa deıingi tergeý jalǵasyp jatyr», - deıdi SQO polıtsııa departamenti baspasóz qyzmetiniń ókilderi. 

Mamandardyń sózine súıensek, nıtrıtti et ónimderine – shujyqtarǵa qoldanady, ónimdi ystaǵan, marınadtaǵan jáne tuzdaǵan kezde paıdalanady. 

Buǵan deıin 24-shilde men 31-shilde aralyǵynda «Salamatty Qazaqstan» mamandandyrylǵan medıtsınalyq poıyzy SQO-da turǵyndardy qabyldap, medıtsınalyq kómek kórsetetinin jazǵan edik.