SQO-da qaıtarylǵan aktıvter esebinen 30 aýylǵa sý qubyry tartylyp jatyr
ASTANA. KAZINFORM — 2025 jylǵy 17 maýsymda Soltústik Qazaqstan oblysynyń prokýrorlary jergilikti atqarýshy organdardyń ókilderimen birlesip 30 aýyldyq eldi mekende sýmen jabdyqtaý jelileriniń qurylysyn tekserdi.
Qarjylandyrý prokýratýra organdary qaıtarǵan aktıvter esebinen júzege asyrylady.
Іske asyrylyp jatqan jobalardyń arqasynda 11 myńnan astam azamat sapaly aýyz sýǵa qol jetkize alady. Bul sanıtarlyq qaýipsizdik deńgeıin arttyrady jáne aýyldyq aýmaqtardyń turaqty damýyna jaǵdaı jasaıdy.
Qazirgi ýaqytta sý qubyry jelileri salynyp jatyr. Qurylysty aǵymdaǵy jyldyń sońyna deıin aıaqtaý josparlanyp otyr.
Merdigerlik uıymdarǵa jumystardy merzimde oryndaý jáne sapasyn qatań saqtaý týraly eskertildi.
Soltústik Qazaqstan oblysynda qaıtarylǵan aktıvter esebinen barlyǵy 33 joba iske asyrylýda-bul óńirdi damytýdyń jáne onyń turǵyndarynyń ál-aýqatyn arttyrýdyń pármendi tetigi.
Aıta ketelik qaıtarylǵan aktıvteresebinen Jambyl oblysynda Jańaótkel aýyly taza aýyz sýmen qamtamasyz etilgen edi.