SQO-da qaıta attestattaý barysynda 50 polıtseı qyzmetterine saı emes dep tanyldy
PETROPAVL. 31 tamyz. QazAqparat - Soltústik Qazaqstan oblysynda ishki ister organdary qyzmetkerlerin kezekten tys qaıta attestattaý jalǵasýda.
Oblystyq ishki ister departamenti baspasóz qyzmetiniń aqparatynsha, aımaqtyq attestattaý komıssııasynan ótken 543 polıtsııa qyzmetkeriniń jeteýi qyzmetterine sáıkes dep tanylyp, kadrlyq rezervke nemese qyzmette joǵarylatýǵa usynyldy. 486 tártip saqshysy alyp otyrǵan qyzmetterine sáıkes dep tanyldy.
Qyzmetterine saı kelmeı, qyzmette tómendetilýge usynylatyn 17 adam bar. Qyzmetterine sáıkes kelmeı, basqa jumysqa aýystyrýǵa usynylǵan qyzmetkerler sany - 25. Quqyq qorǵaý organdarynan jumystan shyǵarý 8 adamǵa tıesili boldy.
SQO quqyq qorǵaý organdarynda barlyǵy 2 000-nan astam polıtseıler kezekten tys attestattaýdan ótýge tıisti.
