SQO-da qaýipti vırýspen zaqymdanǵan tomattyń partııasy joıyldy
PETROPAVL. KAZINFORM – Petropavlda karantındik ónimnen qyzanaq jemisiniń qońyr qatparly vırýsy anyqtaldy.
Іs sotqa jetip, ony Petropavl qalasynyń ákimshilik quqyq buzýshylyqtar jónindegi mamandandyrylǵan soty qarady.
Soltústik Qazaqstan oblystyq sottyń málimetinshe, ótken jyldyń 8 jeltoqsanynda Petropavldan karantındik ónim – 1 myń kılogramm qyzanaq shyǵarylmaq bolǵan. Alaıda ony tekserý kezinde qyzanaq jemisiniń qońyr qatparly vırýsymen zaqymdanǵany belgili boldy. Ónimniń qaýiptiligi karantındik fıtosanıtarııalyq saraptamanyń qorytyndysymen rastaldy.
Áıelge zaqymdanǵan karantındik ónimdi ótkizý arqyly Qazaqstan Respýblıkasynyń ósimdikter karantıni salasyndaǵy zańnamany buzdy degen aıyp taǵyldy. Sot otyrysynda jaýap berýshi óz kinásin tolyq moıyndady.
Sot quqyq buzýshylyqtyń qoǵamǵa qaýpin eskere otyryp, áıeldi kináli dep tanyp, oǵan 20 aılyq eseptik kórsetkish mólsherinde, ıaǵnı 78 640 teńge mólsherinde aıyppul saldy, sondaı-aq barlyq karantındik ónimdi tárkilep joıýǵa sheshim shyǵardy.
Buǵan deıin qaýipti vırýspen zaqymdanǵan qyzanaq tuqymdary Astana áýejaıynan ótkizilmek bolǵanyn jazǵan edik.