SQO-da qatty jel soǵyp, kún kúrt ysıdy
PETROPAVL. QazAqparat - Soltústik Qazaqstan oblysynda aýa raıyna baılanysty eskertý jarııalandy, dep habarlaıdy QazAqparat tilshisi.
«Qazgıdromet» RMK-nyń óńirdegi fılıalynyń málimetinshe, Petropavlda beısenbi kúni soltústik-batystan soqqan jeldiń jyldamdyǵy sekýndyna 15-20 metrge deıin kúsheıedi dep kútilýde.
Tótenshe jaǵdaılar departamenti aýa temperatýrasynyń joǵarylaýyna baılanysty oblys aýmaǵyna joǵary órt qaýpi tónip turǵany týraly eskertý habarlamasyn taratty.
«26-27 shildede aýa temperatýrasy 25-30 gradýsqa, keı jerlerde 35 gradýsqa deıin kóteriletindikten, órt qaýpi joǵary. Orman órti bolýy múmkin», delingen habarlamada.
Qutqarýshylar tótenshe jaǵdaıdyń aldyn alý úshin jáne halyqtyń turmys-týrshiligine qaýip tóndirmes úshin arnaıy sharalardy qabyldaýdy usynady.
