SQO-da qatty jel men kóktaıǵaqqa baılanysty eskertý jarııalandy

PETROPAVL. KAZINFORM — Soltústik Qazaqstan oblysynda respýblıkalyq mańyzy bar joldyń birneshe ýchaskesi jabylyp, polıtseıler turǵyndardy eskertip jatyr.

трасса, закрыта дорога, метель, автомобиль, буран, автожол, жол жабық, боран, көлік, автобус
Фото: Агибай Аяпбергенов / Kazinform

Aýa raıynyń nasharlaýyna, ekpindi jel jáne kóktaıǵaqqa baılanysty respýblıkalyq «Petropavl-Jezqazǵan» avtojolynda jeti ýchaskede kólik qozǵalysyna shekteý qoıyldy. 

— Aýa raıynyń kúrt nasharlaýyna baılanysty eldi mekenderden alysqa uzap shyqpaýlaryńyzdy, jolda ara qashyqtyqty qatań saqtaýdy jáne jyldamdyqty asyrmaı, joldarda óte saq bolýdy suraımyz, — deıdi SQO PD patrýldik polıtsııa batalony komandıriniń orynbasary Sabyrjan Ospanov.

 
Tártip saqshylary jolǵa shyǵarda aýa raıy boljamy men SMS habarlamalarǵa nazar aýdaryp, mán berý qajettigin eskertedi.

«Qazgıdromet» RMK SQO fılıalynyń málimetinshe, qolaısyz aýa raıy 18 naýryzǵa deıin saqtalady

Oblys aýmaǵyna ońtústik-batys tsıklony áser etken. Sınoptıkter 14 naýryzǵa eskertý jarııalady. Bul kúni qar aralas jańbyr jaýyp, burqasyn jáne kóktaıǵaq bolady. Ońtústik-batystan soqqan jeldiń ekpini 15-20 metrge jetpek. Keı jerlerde 28 m/s bolady dep boljanǵan. 

Buǵan deıin kúnniń kúrt jylynýyna baılanysty Petropavl kóshelerinen qar eki aýysymmen shyǵarylyp jatqanyn jazǵan edik. 

Сейчас читают