SQO-da kásipkerler 200-deı balaǵa demalys lagerlerine joldama alyp berdi
PETROPAVL. QazAqparat - SQO-da «Rýhanı jańǵyrý» baǵdarlamasy aıasynda 191 bala aýylsharýashylyǵy qurylymdarynyń esebinen jazǵy demalys lagerlerinde demalady, dep habarlaıdy «QazAqparat» HAA tilshisi.
Bul jaıynda SQO ákimdiginiń otyrysynda belgili boldy. Bilim basqarmasynyń basshysy Gúlmıra Kárimovanyń málimetinshe, bıyl óńirdiń oqýshylary 100% (66 956 bala) jazǵy demalys lagerlerimen qamtylmaq. Bul ótken jylmen salystyrǵanda 6,2% artyq.
«Turmysy tómen otbasylardyń 10 myńǵa jýyq balasy bıýdjet esebinen demalady. Osy maqsatqa shamamen 70 mln teńge bólindi. Qazir balalardy qarsy alýǵa 14 saýyqtyrý lageri daıyn», - deıdi Gúlmıra Kárimova.
Bıyl saýyqtyrý lagerleriniń quny aýdan turǵyndary úshin 15 myń teńgeden bastalsa, petropavldyqtar úshin balany eki aptalyq demalysqa jiberý 30 myń teńgege deıin jetpek. Mamandardyń aıtýynsha, bul - kórshi óńirlermen salystyrǵanda anaǵurlym arzan. Máselen Qostanaı oblysynda 33,6 myń teńge, Pavlodar óńirinde 46 myń teńge bolsa, Aqmola oblysynda 66,5 myń teńgege deıin jetedi eken.
Sondaı-aq «Rýhanı jańǵyrý» baǵdarlamasy aıasynda aýylsharýashylyǵy qurylymdary demeýshilik kórsetip, 16 mln 764 myń teńgege demalys lagerlerine 80 joldama áperdi. Jazǵy demalys - maýsymnyń 10-ynan bastalady.
