SQO-da kásipkerdiń 10 mln teńgesin urlaǵandar ustaldy
ASTANA. QazAqparat - Soltústik Qazaqstan oblysynyń Taıynsha aýdanynyń polıtsııa qyzmetkerleri iri kólemdegi aqsha urlyǵyna qatysty kúdikti retinde Aqmola oblysynyń úsh turǵynyn ustady, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
SQO Taıynsha aýdanyndaǵy iri sharýa qojalyqtan iri kólemde aqsha tonaldy. Daýdyń basy Aqmola oblysynan kelip, mal satyp almaq bolǵan úsh adamnyń saýdasynan bastalady. Úsheýi sharýa qojalyqtyń ıelerinen jalǵan kýpıýrmen 2 buqa satyp alady. Biraq tapqandary qylmyskerlerdi qanaǵattandyrmasa kerek. Erteńinde tańerteń sharýa ıeleri óz jumystarymen júrgen ýaqytta qylmyskerler olardyń úıine enip, aqshalaryn urlap ketken. Biraq buǵan da toqtamaǵan olar erteńinde taǵy da úıge enip, jalpy somasy 10 mıllıon teńgeni qoldy qylǵan.
«Olar alysqa uzaı qoımady. Tártip saqshylarynyń jedel áreket etýiniń nátıjesinde úsheýi Aqmola oblysynda ustalyp, Kókshetaý qalasynyń ýaqytsha oqshaýlaý ortalyǵyna qamalǵan. Úsh kúdiktige qylmystyq kodekstiń «Alaıaqtyq» baby boıynsha aıyp taǵylyp otyr», - dep habarlaıdy SQO ІІD baspasóz qyzmetinen.
Kinálary sotta dáleldengen jaǵdaıda olardyń árqaısysy 10 jylǵa deıin bas bostandyǵynan aıyrylýy múmkin.
