SQO-da káriz qudyǵynan eki jumysshynyń denesi tabyldy
PETROPAVL. KAZINFORM — Soltústik Qazaqstan oblysynda óndiriste jazataıym oqıǵa saldarynan eki jumysshy kóz jumdy.
Memlekettik eńbek ınspektsııasy komıteti SQO boıynsha departamentiniń málimetinshe, oqıǵa Aıyrtaý aýdany Saýmalkól aýylynda ornalasqan «Aıyrtaý-Kommýn-Servıs» JShS aýmaǵynda bolǵan.
22 sáýir kúni shamamen saǵat 15:00–de kásiporynnyń káriz sorǵy stantsııasynda 50 jastaǵy slesar Dmıtrıı Tıtarev pen 48 jastaǵy elektrık Vladımır Prohorov mert boldy. Olardyń deneleri nysan aýmaǵyndaǵy qudyqtan tabyldy.
Mamandardyń boljamynsha, jumysshylardyń ólimine belgisiz gazdardan ýlaný sebep bolýy múmkin.
Atalǵan derek boıynsha jumys berýshi memlekettik eńbek ınspektsııasy departamentine resmı túrde habarlama joldaǵan. Oqıǵanyń mán-jaıyn anyqtaý úshin arnaıy tergeý komıssııasy qurylatyn bolady.
Quzyrly organdar óndiristik qaýipsizdik talaptarynyń saqtalýyn tekserip, qaıǵyly jaǵdaıdyń sebepterin jan-jaqty zerttemek.
Buǵan deıin Aqsý ferroqorytpa zaýytynda jumysshy mert bolǵanyn jazǵan edik.
