SQO-da qarý-jaraqpen, qomaqty somamen ustalǵandar joq - komendant
SQO komendanty Marat Tólebaevtyń aıtýynsha, oblysta kólikterinde qarý-jaraq, aqsha tasymaldaǵandar bolmaǵan. Tek Aıyrtaý aýdanynda bıta salynǵan kólik anyqtaldy. Bul fakti Sotqa deıingi tergep-tekserýlerdiń biryńǵaı tizilimine engizildi. Tıisti saraptama belgilendi.
«5 qańtar kúni mıtıngige shyqqan 121 adam ustaldy. Olardyń barlyǵynyń aty-jóni anyqtaldy. Barlyǵy osy óńirdiki, negizinen 20-30 jas aralyǵyndaǵy jigitter. Shal aqyn, Esil, Qyzyljar aýdanynyń turǵyndary.
Keıingi kúnderi de Petropavlda mıtıng ótkizbekshi bolǵandar tabyldy. Biz olardy Ulttyq qaýipsizdik komıteti departamentimen birge aldyn ala anyqtap, jol bermedik. Bul adamdar jaýapkershilikke tartyldy», - deıdi Marat Tólebaev.
Osy kúnderi belsendilik tanytyp, basqalardy mıtıngke shyǵýǵa úgittegender qazir qamaýda otyr.
«Zańdy buzǵan bul adamdar 15 táýlikke qamaldy. Eki adam 30 táýlikke otyrǵyzyldy. Olarmen jedel túsindirý jumystary júrgizilip jatyr. Budan basqa jalǵa beriletin páterler óte kóp. Biz olardy baqylaýda ustaımyz. Oblysqa kelýshilerdiń tizimi de bizde bar, biz olardy tekseremiz. Olar bizge kelmes buryn birneshe súzgiden ótedi dep aıtýǵa bolady, Máselen, Aqmola, Qostanaı, Pavlodar oblystarynda birneshe blokposttar ornatylǵan. Petropavlǵa kireberiste taǵy 5 blokpost tur. Ol jerde taǵy bir márte tekseriledi. Dál osylaısha temirjolmen jáne áýe arqyly keletinder de tekseristen ótedi», - deıdi SQO-nyń komendanty.
