SQO-da qardy durys tazalamaǵany úshin aıyppul salady
PETROPAVL. QazAqparat - Bıyl Soltústik Qazaqstan oblysynda qar qalyń túsip, bıiktigi ortasha jyldyq kórsetkishten edáýir asty, dep habarlady «QazAqparat» HAA tilshisi.
Óńirde sý tasqyny bolý qaýpi joǵary, qazirden bastap onyń saldaryn azaıtý sharalary qabyldanýda. Birinshi kezekte, kósheni qardan tazartý.
Petropavl ákimi baspasóz qyzmetiniń aqparatyna sáıkes, qalalyq bıýdjetten qysta kóshelerdi taza ustaýǵa 270 mıllıonnan astam qarajat bólindi. Qar jınaý jumystary qazan aıynan bastalǵan. Kún saıyn 4 arnaıy orynǵa 100-den astam tehnıka qar tasıdy.
Jol qyzmeti kúshteri sý basýy múmkin jerlerdegi qardy tazalaýmen aınalysýda.
Petropavlda qardy durys jınamaǵan 7 uıym ákimshilik jaýapkershilikke tartyldy. Polıtsııa ýchaskelik ınspektorlary qardy ýaqtyly tazalaý maqsatynda 512 jeke kásipkerler men zańdy tulǵalar habardar etti.
Qysqy kezeńde eldi mekender aýmaǵyn abattandyrý qaǵıdalaryn, ınfraqurylym nysandaryn buzǵany, jasyl jelekti zaqymdaǵany úshin 378 adam ákimshilik jaýapkershilikke tartyldy.
Joldy zaqymdaǵany, jol jamylǵysyn lastaǵany, joldarda jumys jasaý talaptaryn oryndamaǵany úshin 153 adam jaýapkershilikke tartyldy.
