SQO-da karantındi buzǵandarǵa 40 mln teńgege jýyq aıyppul salyndy
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, búgingi kúni oblys boıynsha 23 monıtorıngtik top jumys isteıdi. Olardyń maqsaty shekteý is-sharalaryn, onyń ishinde karantındi saqtaý boıynsha talaptardy buzýǵa jol bermeý, aldyn alý jáne karantın talabyn buzý faktilerin anyqtaý.
«1 qańtar men 23 maýsym aralyǵynda Petropavl men oblystyń 13 aýdanynda monıtorıngtik toptar 2285 reıd júrgizdi, 16159 obekti tekserildi, onyń ishinde karantın talabyn buzýdyń 523 deregi anyqtaldy. Jeke tulǵalar maska taǵý rejımin buzǵan, buqaralyq is-sharalardy ótkizip, dezınfektsııa júrgizbegen.
Kelýshilerge betperdesiz qyzmet kórsetip, obektilerdiń jumys isteý rejımin buzǵan», - deıdi SQO SEBD tehnıkalyq reglamentterdiń talaptaryn baqylaý bóliminiń basshysy Danııar Ospanov.
Budan basqa aýmaqtyq polıtsııa basqarmalaryna jáne úılestirý ortalyqtaryna kelip túsken shuǵyl habarlama boıynsha kásipkerlik sýbektilerine 34 tekserý júrgizilgen.
«Karantındik jáne shekteý rejımin jáne sanıtarııalyq qaǵıdalardyń talaptaryn buzǵany úshin 554 ákimshilik quqyq buzýshylyq týraly hattama toltyryldy, jalpy somasy 38 mln 434 myń teńge bolatyn 527 aıyppul salyndy.
Onyń ishinde, laýazymdy tulǵalarǵa qatysty – 2, zańdy tulǵalarǵa qatysty – 5, jeke kásipkerlerge qatysty – 24, jeke tulǵalarǵa qatysty – 496 hattama toltyryldy. 14 materıal sotqa joldandy, 13 ákimshilik materıal quqyq buzýshylyqtyń eleýsiz bolýyna baılanysty toqtatyldy», - deıdi Danııar Ospanov.
