SQO-da karantın talaptarynyń saqtalýy mobıldi qosymsha arqyly qadaǵalanady
PETROPAVL. QazAqparat – Soltústik Qazaqstan oblysynda monıtorıng toby koronavırýs juqtyrǵandarmen baılanysta bolǵandardy anyqtap, úı karantıniniń saqtalýyn qadaǵalaıdy, dep habarlaıdy QazAqparat tilshisi.
Petropavl qalasy prokýrorynyń orynbasary Qaısar Ábishev karantın talaptarynyń oryndalýyn qadaǵalaıtyn toptyń jumysy týraly aıtyp berdi. Koronavırýs ınfektsııasynyń ári qaraı taralýyna jol bermeı, onyń oshaǵyn oqshaýlanady. Máselen koronavırýs, pnevmonııa men sýyq tııý belgisi bar qala turǵyndarynan karantındi saqtaý týraly qolhat alynady. Jaqynda úı karantıninde otyrǵandardyń qozǵalysyn baqylaý maqsatynda mobıldi qosymsha iske qosylmaq.
«Karantınge alynǵan adam týraly málimet qosymshaǵa engiziledi. Naýqas arnaıy júıe arqyly birden monıtorıng tobynyń baqylaýyna alynady. Mobıldi qosymsha arqyly úı karantıni talaptarynyń buzylǵany kórinip, jedel áreket etýge bolady. Naýqastyń málimetteri belgilengen karantındi otyryp shyqqannan keıin qosymshadan alynyp tastalady», - deıdi Qaısar Ábishev.
Esterińizge sala keteıik, úı karantınin buzǵandarǵa 30 AEK – 83 340 myń teńge aıyppul qarastyrylǵan. SQO-da osyndaı 21 adam anyqtalyp, jazaǵa tartyldy.
