SQO-da karantın talabyn buzǵan demalys orny 230 AEK mólsherinde aıyppul tóleıdi
PETROPAVL. QazAqparat – Soltústik Qazaqstan oblysynda karantındik shekteýlerdiń kúsheıtilgenine qaramastan senbi-jeksenbi kúni jumys istegen demalys orny endi 650 myń teńgege jýyq aıyppul tóleıdi, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, óńir polıtseıleri shekteýler kúsheıtilgen úsh kúnniń ishinde karantın talabyn buzýǵa qatysty 74 materıal toltyrdy. Bul kúnderi oblysta arnaıy qurylǵan jumys toptary kezekshilik atqardy. Olardyń quramyna polıtsııa qyzmetkerlerinen basqa prokýratýra, tótenshe jaǵdaı departamenti, jergilikti atqarýshy bılik ókilderi kirdi.
Tekseris barysynda Qyzyljar aýdanyndaǵy demalys oryndarynyń birinde karantın talabyn buzý deregi tirkeldi. Kásipker tyıym salynǵanyna qaramastan qalalyqtarǵa eki úıdi jalǵa bergen.
Eki jekemenshik monshanyń ıesi de karantındik shekteýlerge qaramastan nysandardy jalǵa bergen. Qala turǵynyna da ákimshilik is jınaldy.
Jalpy, sońǵy bir aptanyń ishinde ýchaskelik ınspektorlar karantın talabyn saqtamaǵandarǵa qatysty 150-den astam is qozǵady.
Aýyrǵanyna qaramastan ózin-ózi oqshaýlamaǵandarǵa, maska taǵý rejımin saqtamaǵandarǵa, qajettilik bolmasa da kóshege shyǵyp, beısaýat júrgenderge ákimshilik jaýapkershilik qarastyrylǵan. Keı dúkenderde satýshylar maskasyz jáne qolǵapsyz bolǵan. Sondaı-aq sanıtarlyq normalardy saqtamaǵan taksı júrgizýshileri de endi jaýap beredi.
Karantın talaptaryn saqtamaǵandardyń ishinde kásipkerler de bar. Azyq-túlik emes taýar satatyn saýda oryndaryn jappaı, jumys istegeni úshin ákimshilik is jınalyp, Taýarlar men kórsetiletin qyzmetterdiń sapasy men qaýipsizdigin baqylaý departamentine jiberildi.
«Barlyq jınalǵan is boıynsha sheshimdi sot shyǵarady. Qazir biz oblystyń Bas sanıtarlyq dárigeriniń Qaýlysy oryndalýy úshin túsindirý jumystaryn júrgizip jatyrmyz. Osyndaı ýaqytta turǵyndar talaptardy buzbaı, qoldasa, halyqtyń densaýlyǵy men ómirin saqtaýda kórsetken úlken kómegi bolar edi», - deıdi SQO PD Jergilikti polıtsııa qyzmeti basqarmasy bastyǵynyń mindetin atqarýshy Grıgorıı Tysh.
