SQO-da qaraqumyq pen kúrish arzandaıdy
PETROPAVL. QazAqparat - Soltústik Qazaqstan oblystyq kásipkerlik jáne týrızm basqarmasy oblystyq turaqtandyrý qorymen birlesip, kartoptyń kóterme jáne bólshek baǵasyn kóterý týraly sheshim qabyldady, dep habarlaıdy «QazAqparat» HAA tilshisi.
Kartoptyń baǵasy 5 teńgege qymbattaıdy. Bólshek baǵasy bir kelisi 80 teńgeni quraıdy. Basqarma basshysy Quralaı Jarovanyń aıtýynsha, baǵanyń kóterilýine ony saqtaý shyǵyndarynyń artýy sebep bolǵan.
«Kartoptyń qory bar, taǵy 153 kelisim jasalǵan. Qyzyljar aýdandyq aýylsharýashylyq óndirýshilerinen tikeleı jetkizý jolǵa qoıyldy. Osy aptada 100 tonnasyn ótkizý josparlanýda», - dedi Q.Jarova.
Kartop pen pııaz soltústikqazaqstandyqtarǵa jańa ónimge deıin jetedi. Sábiz ben oramjapyraqtyń jaǵdaı qıyn bolyp tur. Oblystyq turaqtandyrý qorynda bul kókónisterdiń qory bitip qalǵan. Basqarmanyń aqparaty boıynsha, qazir jetkizýshiler izdestirilip jatyr.
«Biz kúzde ózimiz óndiretin kókónisterdiń baǵasyn turaqtandyrýdy qamtamasyz etetindigimizdi málimdegen edik. Biz qysy boıy ony júzege asyrdyq. Biraq bul jumysty maýsymǵa deıin jalǵastyrý kerek. Qyryqqabatty ońtústik oblystardan izdeńizder», - dedi Soltústik Qazaqstan oblysynyń ákimi Qumar Aqsaqalov.
Sonymen qatar, óńirde qaraqumyq pen kúrishtiń baǵasy 20 teńgege arzandaıdy. Bul astyqtardyń bólshek baǵasy sáıkesinshe 160 jáne 180 teńgeni quraıdy.
