SQO-da qaraqumyq pen kúrish arzandap, kókónis baǵasy ósti

PETROPAVL. KAZINFORM - Osy jylǵy shilde aıynyń qorytyndysy boıynsha Soltústik Qazaqstan oblysynda ınflıatsııa deńgeıi jyldyq esepteýmen alǵanda 12% boldy. Bul bir jyl burynǵy kórsetkishpen salystyrǵandaǵy ósim.

Сколько стоит рис и гречка в Казахстане
Коллаж: Kazinform/ Freepik/ DALL-E

SQO-da azyq-túlik, azyq-túlik emes taýarlar men aqyly qyzmetterdiń barlyǵy birdeı qymbattaǵan. Eń kóp óskeni – azyq-túlik baǵasy.

Ulttyq statıstıka bıýrosynyń SQO boıynsha departamentiniń málimetinshe, tamaq ónimderi bir jyl ishinde 12,7 % qymbattaǵan. Sonyń ishinde kofe – 49%, kúnbaǵys maıy – 36%, spred (ósimdik-sary maı) – 28%, balyq jáne teńiz ónimderi – 27%, alkogolsiz sýsyndar – 21%, tátti ónimder 20 % ósken. Sonymen qatar, dámdeýishter – 12%, jemister – 15,5%, shujyq – 12,5%, et 12% qymbattaǵan. Et ónimderiniń ishinde sıyr etine baǵa 21,5% kóterilgen. Sút ónimderi 10,5%, toqash pen unnan jasalǵan tátti ónimder 10%, alkogoldi ishimdikter 9% ósken.

Kókónister de aıtarlyqtaı qymbattaǵan. Jas kókónisterdiń baǵasy jalpy 26% joǵarylaǵan. Ásirese qyryqqabat – 86%, pııaz – 67%, kartop – 54%, qyzylsha – 36%, sábiz 16% deıin qymbattap otyr. Al qııardyń baǵasy 10% tómendegen. Sondaı-aq, jarma ónimderi 15% arzandaǵan. Onyń ishinde qaraqumyq jarmasynyń baǵasy – 25%, kúrish – 8,5% túsken. Jumyrtqa da 3% arzandady.

Azyq-túlik emes taýarlarda baǵa ósimi - 10,5%. Aýdıo-kórý tehnıkasy, fotoapparatýra men aqparatty óńdeýge arnalǵan qurylǵylar 17,5% qymbattady. Zergerlik buıymdar men saǵattar baǵasy – 15%, kıim – 13%, balalardyń aıaq kıimi – 12%, avtomobılder quny 10% kóterildi. Jeke bas gıgıenasyna arnalǵan taýarlar men turmystyq quraldar 9%, dári-dármek – 6% ósken. Motor maıynyń baǵasy 11%, benzın – 7%, dızel otyny 6% joǵarylaǵan.

Aqyly qyzmetterdiń de baǵasy sharyqtap tur. Bir jyl ishinde bul baǵytta ósim 13% jetti. Jeke avtokólikterge tehnıkalyq qyzmet kórsetý men jóndeý jumystary 32% qymbattasa, medıtsınalyq zerthana men rentgen qyzmetterine baǵa 21% kóterilgen. Kólik qyzmetteri quny da birshama ósken: temirjol bıletteri – 31%, áýe bıletteri – 25%, al avtokólikpen jolaýshy tasymaly baǵasy 6% artqan. Buǵan qosa, turǵyn úıdi jalǵa alý aqysy bir jyl ishinde 18% joǵarylady.

Buǵan deıin SQO-da 29 222 adam 10 sotyq jer alýǵa kezekke turǵanyn jazǵan edik.

 

Сейчас читают