SQO-da qar qursaýynda qalǵan 4 balyqshy qutqaryldy
PETROPAVL. QazAqparat – Soltústik Qazaqstan oblysynda qutqarýshylar balyq aýlaýǵa shyǵyp, qar qursaýynda qalǵan 4 adamdy qutqardy, dep habarlaıdy QazAqparat tilshisi.
SQO tótenshe jaǵdaılar departamenti baspasóz qyzmetiniń málimetinshe, qutqarý qyzmetine túngi saǵat 23.38 mınýt ketkende Taıynsha aýdany Letovochnoe eldi mekeniniń turǵyny kómek surap habarlasqan.
Aıtýynsha, Soltústik Qazaqstan men Qostanaı oblystarynyń shekarasynda, Qaq kóliniń mańynda 4 balyqshy mingen jeńil kólik qarǵa batyp qalǵan.
Balyqshylardy qutqarýǵa aýdandyq № 18 órt sóndirý bólimshesiniń eki qyzmetkeri jol talǵamaıtyn Nıva Bronto kóligimen attandy. 70 shaqyrymdy júrip ótken olar qar qursaýynda qalǵan adamdardy izdeýge kiristi. Sol kúngi boran, tún qutqarýshylardyń jumysyn qıyndata tústi. Tek saǵat 1.49 mınýt ketkende balyqshylardyń kóligi Qaq kóliniń mańynan tabyldy.
Er adamdar Tımırıazev aýdanyna aman-esen jetkizilip, tıisti kómek kórsetildi, tamaqtandyryldy.
