SQO-da qar aralas jańbyr jaýady
PETROPAVL. QazAqparat – Soltústik Qazaqstan oblysynda aldaǵy eki táýlikte synap baǵanasy 0 gradýsqa deıin joǵarylap, qar aralas jańbyr jaýýy múmkin, dep habarlaıdy QazAqparat tilshisi.
SQO tótenshe jaǵdaılar departamenti «Darmen» qosymshasy arqyly 4 qańtardaǵy aýa raıyna baılanysty eskertý jarııalady. Óńirdiń basym bóliginde bul kúni jańbyr jáne qar jaýmaq. Oblystyń batys, soltústik jáne ońtústiginde boran, tuman jáne kóktaıǵaq bolady dep kútilýde. Jeldiń ekpini sekýndyna 15-20 metrge deıin jetpek.
«Qazgıdromet» RMK málimetinshe, búgin-erteń osyndaı jyly aýa raıy saqtalmaq. Máselen, búgin túnde aýa temperatýrasy -9-14 gradýs bolsa, kúndiz -1-6 gradýsqa deıin joǵarylamaq. 4 qańtarda sınoptıkterdiń boljamynsha 0;-5 gradýs aralyǵynda saqtalady. Al 5 qańtarda túnde -20-25, oblystyń shyǵysynda -28 gradýsqa deıin sýytyp, kúndiz -10-15 jáne shyǵysynda -18 gradýs bolady.
