SQO-da qant dıabetimen aýyratyn er adam koronavırýs juqtyrdy
PETROPAVL. QazAqparat – Soltústik Qazaqstan oblysynda koronavırýstyq ınfektsııany juqtyrǵan er adam qant dıabetimen dárigerlerdiń esebinde turǵan, dep habarlaıdy QazAqparat tilshisi.
Shuǵyl shtabtyń málimetinshe, qaýipti indet anyqtalǵan naýqas 1986 jyly týǵan er adam, Taıynsha qalasynda turady. 18 mamyrda skrınıngtik tekserý kezinde COVID-19 alynǵan saraptama oń nátıje berdi.
Er adam «Qant dıabeti» dıagnozymen dárigerlerdiń dınamıkalyq baqylaýynda bolǵan. Qazirgi ýaqytta naýqas Petropavldaǵy birinshi qalalyq aýrýhananyń juqpaly aýrýlar bólimine jatqyzyldy. Bekitilgen hattamaǵa sáıkes emdeý bastaldy. Epıdemıologııalyq tekserý jalǵasýda.
18 mamyrdaǵy jaǵdaı boıynsha SQO aýmaǵynda COVID-19 vırýsyn juqtyrǵan 39 adam tirkelgen, onyń ishinde bir adam - Kókshetaý qalasyniki.
