SQO-da qansha adam koronavırýsqa qarsy vaktsına aldy
PETROPAVL. QazAqparat – Soltústik Qazaqstan oblysynda jospar boıynsha qyrkúıek aıynyń sońyna deıin 300 myń adam koronavırýsqa qarsy vaktsına alýy qajet, dep habarlaıdy QazAqparat tilshisi.
SQO sanıtarııalyq-epıdemıologııalyq baqylaý departamentiniń málimetinshe, óńirge aqpan aıynan beri koronavırýsqa qarsy vaktsınanyń 21 myń danasy tústi. Birinshi komponentimen turǵyndar 100 %-ǵa jýyq egildi. Onyń basym bóligi – 5004 doza medıtsınalyq qyzmetkerlerge salyndy. Budan basqa 3127 ustaz, 2391 - quqyq qorǵaý organdarynyń qyzmetkerleri, 1272 – sozylmaly aýrýlary bar syrqattar, 763 – polıtseı, 309 – memlekettik qyzmetshi, 237 – medıtsınalyq-áleýmetik jáne jabyq balalar mekemeleriniń qyzmetkerleri, 95 – stýdent vaktsına aldy. Al halyqtyń úlesi -8 myńǵa jýyq.
«Vaktsınatsııanyń tolyq kýrsynan 3 myń 700-ge jýyq adam ótti. Aptanyń sońynda taǵy 4 myń doza keledi. Jalpy sáýir aıynda 17 myń doza jetedi. Sol sebepti vaktsına defıtsıti týyndamaıdy», - deıdi SQO sanıtarııalyq-epıdemıologııalyq baqylaý departamenti basshysynyń orynbasary Arman Kúshbasov.
Jospar boıynsha SQO vaktsınatsııany qyrkúıek aıynyń sońyna deıin tolyq bitirýleri qajet. Osy aralyqta óńir turǵyndarynyń 300 myńy ekpe almaq.
Buǵan deıin oblys turǵyndary arasynda koronavırýsqa qarsy vaktsınany alýǵa suranystyń artqanyn aıtqan edik.
