SQO-da kámeletke tolmaǵan balany zańsyz eńbekke tartý faktisi anyqtaldy
Bul týraly búgin QR Eńbek jáne halyqty áleýmettik qorǵaý mınıstrliginde (budan ári – Eńbekmıni) Balalar eńbeginiń eń nashar túrlerine qarsy kúres jónindegi úılestirý keńesiniń otyrysynda aıtyldy.
QR Eńbek jáne halyqty áleýmettikqorǵaý vıtse-mınıstri Aqmádı Sarbasov keltirgen málimetterge qaraǵanda, memlekettik eńbek ınspektorlary tekserý barysynda 2019 jáne 2020 jyldary kámeletke tolmaǵandardy eńbekke zańsyz tartýdyń 5 faktisin anyqtady jáne olar boıynsha jumys berýshiler ákimshilik jaýapqa tartyldy.
Aǵymdaǵy jyly SQO-da 1 fakt anyqtaldy, ol boıynsha da zańdy tulǵa ákimshilik jaýapqa tartyldy.
QR Bilim jáne ǵylym mınıstrliginiń málimetinshe, 2020 jyly «Túngi qaladaǵy balalar» jedel-aldyn alý is-sharasy aıasynda 136 fakt anyqtaldy.
«Bul faktiler boıynsha aqparat jumys berýshilerge qatysty tıisti sharalar qabyldaý úshin jergilikti eńbek ınspektsııalaryna berilmegen», – dedi Aqmádı Sarbasov.
Taldaý kórsetkendeı, kámeletke tolmaǵandardyń eńbegin paıdalanýǵa kóbinese jazǵy demalys kezinde ruqsat etiledi. shaǵyn bıznes sýbektilerinde, bazarlardaǵy saýda oryndarynda, kólik jýý oryndarynda jáne avtokólik quraldaryn jóndeý stantsııalarynda, qoǵamdyq tamaqtaný pýnktterinde 12 jastan 18 jasqa deıingi balalar eńbekke tartylǵan.
«Eń kóp taralǵan buzýshylyq - eńbek shartynyń bolmaýy»,-dedi mınıstrdiń orynbasary.
Aıta keteıik, úılestirý keńesiniń otyrysyna QR Eńbek jáne halyqty áleýmettik qorǵaý birinshi vıtse-mınıstri Aqmádı Sarbasov, QR Adam quqyqtary jónindegi ýákili Elvıra Ázimova, Túrkistan jáne Qaraǵandy oblystary ákimderiniń orynbasarlary Arman Sábıtov pen Ermek Alpysov, QR BǴM Balalar quqyqtaryn qorǵaý Komıtetiniń tóraǵasy Esenǵazy Imanǵalıev, QR ІІM Ákimshilik polıtsııa komıteti tóraǵasynyń orynbasary Alekseı Mılıýk jáne basqalar qatysty.