SQO-da qaban men elikti zańsyz atyp alǵan aýyl turǵyny ustaldy
SQO polıtsııa departamenti baspasóz qyzmetiniń málimetinshe, 28 tamyz kúni zańsyz ań aýlaý deregin Esil aýdanynyń ýchaskelik polıtsııa ınspektory ashty.
Túnde aýdan ortalyǵy ıAvlenkaǵa kire beriste polıtsııa kapıtany Danııar Shabarov toǵaı jaqtan shyǵyp kele jatqan «VAZ» avtokóligin baıqaıdy.
Mashınany tekserý barysynda tártip saqshysy onyń júksalǵyshynan túz janýarlarynyń etin kóredi. Birden kezekshi bólimge habarlaıdy.
Kólikte bolǵan 33 jáne 19 jastaǵy eki jergilikti turǵyn oqıǵa ornyna kelgen jedel-tergeý tobyna zańsyz ań aýlaǵandaryn aıtyp, moıyndady.
Qaı jerde ańdardy atyp alǵandaryn kórsetti. Ol kezde oblysta áli ań aýlaý maýsymy ashylmaǵan edi, ıaǵnı er adamdardyń qolynda ruqsat qujattar bolmaǵan.
Bul derek «Zańsyz ań aýlaý» baby boıynsha sotqa deıingi tergep-tekserýdiń biryńǵaı tizilimine engizildi.
Qazirgi ýaqytta tıisti saraptama taǵaıyndaldy, shyǵyn kólemi eseptelip jatyr.
«Bul bıyldyqqa SQO-da zańsyz ań aýlaýǵa qatysty tirkelgen besinshi jaǵdaı. Jalpy reıdter barysynda janýarlar jáne ósimdikter álemin paıdalaný zańnamasyn buzýǵa qatysty 659 derek tirkeldi. Onyń 396-sy ań aýlaý, 256-sy balyq aýlaý tártibin buzýǵa qatysty jáne ekeýi zańsyń otyn daıyndaý boıynsha», - deıdi SQO PD jergilikti polıtsııa qyzmeti basqarmasynyń tabıǵatty qorǵaý polıtsııasy tobynyń aǵa ınspektory Ashat Qojabaev.
Polıtseılerdiń aıtýynsha, SQO-da kúzgi ań aýlaý maýsymy bastaldy.
Qazirgi ýaqytta dala qustaryn atýǵa ruqsat bar. Sondaı-aq, borsyq, qaban men maraldy aýlaýǵa bolady.
Al sibir eligine ańshylyq 20 qyrkúıek, ondatrǵa 1 qazan, túlki, qoıan, qarsaq jáne janat tárizdi ıtke 1 qarasha ashylady.