SQO-da ıis tıip ýlanǵan áıel men segiz balasynyń beti beri qarady
PETROPAVL. KAZINFORM – Soltústik Qazaqstan oblysy Antonovka aýylynda kómirtegi totyǵyna ýlanǵan toǵyz adamnyń jaǵdaıy jaqsardy. Búgin áıel úıine jiberilse, jansaqtaý bóliminde jatqan balalar ortaq palataǵa aýystyryldy.
Osy oqıǵaǵa qatysty búgin brıfıng boldy. SQO Tótenshe jaǵdaılar departamenti basqarmasynyń bastyǵy Aslan Ahmetjanovtyń aıtýynsha, 25 sáýirge qaraǵan túni saǵat 2.00 shamasynda otaǵasy ot jaǵyp, jumysyna ketken. Ol jergilikti seriktestiktiń birinde júrgizýshi bolyp jumys isteıdi. Al balalar men olardyń anasy úıde qalǵan. Áıel pesh janyp bitpeı, murjasyn erte jaýyp tastaǵan.
«Tańerteń er adam úıge kelgende áıeli men balalarynyń ýlanǵanyna kórgen. Birden aýrýhanaǵa jetkizdi. Bul otbasy eki jyl buryn arnaıy baǵdarlama arqyly Mańǵystaý oblysynan kóship kelgen. Kópbalaly bolǵandyqtan bizdiń esebimizde boldy», - deıdi Aslan Ahmetjanov.
Qazirgi ýaqytta anasy men balalarynyń jaǵdaıy jaqsy.
SQO densaýlyq saqtaý basqarmasy basshysy orynbasarynyń mindetin atqarýshy Raısa Qusaıynovanyń aıtýynsha, áıelge de, balalarǵa da tıisti em-dom jasaldy. 8 balanyń barlyǵy balalar bólimshesinde jatyr. Áıel ózin jaqsy sezinýine baılanysty úıine jiberildi.
Jalpy bıyl SQO-da órtte 12 adam qaıtys boldy, bul ótken jyldyń osy kezeńimen salystyrǵanda 9 % kóp.
Esterińizge salaıyq, 25 sáýirde SQO-da bir úıdiń 9 adamy kómirtegi totyǵynan ýlanyp, aýrýhanaǵa túskenin aıtqan edik.
Jaǵdaıy aýyr bes bala birden jansaqtaý bólimine ornalastyryldy.
